भाकेरच्या आईने पिस्तुलच लपवली होती, पण...

नवी दिल्ली : मनू भाकेरने भारताचे नाव उंचावले. १० मीटर एअर पिस्तुल प्रकारात मनूने कांस्यपदक पटकावले. मनूसाठी सर्वात महत्वाची गोष्ट होती ती पिस्तुल. पण मनूच्या आईनेच तिची पिस्तुल लपवल्याचे आता समोर आले आहे.
मनूने फार कमी वयात मोठे यश मिळवले आहे. मनू टोकियो येथील ऑलिम्पिकमध्ये प्रथम सहभागी झाली होती. त्यावेळी भारताची ती सर्वात युवा महिला नेमबाज होती. त्यामुळे तिच्यावर सर्वांच्या नजरा खिळलेल्या होत्या. कारण जागतिक स्पर्धेतही तिने चमकदार कामगरी केली होती. त्यामुळे टोकियो ऑलिम्पिकमध्ये मनू कशी कामगिरी करतो, यावर सर्वाचे लक्ष लागलेले लागले होते. पण या ऑलिम्पिकमध्ये तिला तिच्या पिस्तुलने धोका दिला. हा मनूसाठी सर्वात मोठा धक्का होता. कारण पिस्तुलशिवाय ती काहीच करू शकत नव्हती. निराश होऊन मनू भारतामध्ये परतली.

मनूचे भारतामध्ये आल्यावर कोणत्याही गोष्टीत लक्ष लागत नव्हते. नेमबाजी म्हणजे आपल्यासाठी एक नोकरी आहे, असे तिला वाटत होता. कारण नेमबाजीसाठी ती जास्त वेळ देत नव्हती. त्यावेळी अजून एक गोष्ट घडली. ती गोष्ट म्हणजे मनूच्या आईनेच तिची पिस्तुल लपवून ठेवली होती. आपल्या पिस्तुल शिवाय मनू काहीच करू शकत नव्हती. त्यामुळे आता पुढे कसं होणार, याची चिंता मनूला लागली होती.

मनूच्या आईने यावेळी सांगितले की, " मनू टोकियो ऑलिम्पिकनंतर फार निराश झाली होती. पिस्तुलीमुळे तिला चांगला खेळ करता आला नव्हता. त्यामुळे ती निराश होती. जेव्हा ही पिस्तुल ती पाहायची तेव्हा ती अजून निराश व्हायची. ही गोष्ट तिच्यासाठी चांगली नव्हती. त्यामुळे मी मनूने टोकियो ऑलिम्पिकमध्ये वापरलेली पिस्तुल लपवली होती." पण मनू हे सर्व विसरली आणि पॅरिस ऑलिम्पिकच्या तयारीला लागली. त्यानंतर मनूने प्ररिस ऑलिम्पिकमध्ये इतिहास रचला.
पॅरिस ऑलिम्पिकमध्ये भारताने खातं उघडलं, नेमबाज मनू भाकरने कांस्यपदक पटकावलं,इतिहास रचला

मनू भाकेर ही सध्याच्या घडीला भारतीयांच्या गळ्यातील ताईत बनलेली आहे. कारण भारताला पॅरिस ऑलिम्पिकमध्ये पहिले पदक जिंकवून देण्याचा मान तिने पटकावला आहे. त्यामुळे आता मनू प्ररिस ऑलिम्पिकमधील अन्य स्पर्धांमध्ये कशी कामगिरी करते, याकडे आता सर्वांचे लक्ष लागलेले असेल.