Victory Parade : विराट कोहलीच होता खरा मास्टरमाईंड, माँ तुझे सलाम गाणं सर्व खेळाडूंनी गाण्यापूर्वीचा VIDEO व्हायरल

नवीन व्हिडीओ आला समोर –

वानखेडे स्टेडियमच्या प्रेक्षकांसह टीम इंडियाने वंदे मातरम गाऊन विजयी परेडचा समारोप केला. यावेळी सर्व खेळाडू प्रेक्षकांसोबत वंदे मातरम गाताना दिसले. ज्यामध्ये विराट कोहली आणि हार्दिक पंड्या आघाडीवर दिसत होते. आता आणखी एक व्हिडिओ सोशल मीडियावर वेगाने व्हायरल होत आहे. ज्यामध्ये विराट कोहली वंदे मातरम गाण्यापूर्वी इतर खेळाडूंशी बोलताना दिसत आहे. या व्हिडीओमध्ये असा दावा केला जात आहे की, कोहली प्रेक्षकांसह वंदे मातरम गाण्याची तयारी करत होता.

विषेश म्हणजे स्टेडियममध्ये चाहत्यांना प्रवेश विनामूल्य होता. त्यामुळे विश्वविजेत्यावर प्रेमाचा वर्षाव करण्यासाठी मोठ्या संख्येने चाहते स्टेडियममध्ये जमले होते. भारतीय संघाचा ताफा ९ वाजण्याच्या सुमारास स्टेडियममध्ये दाखल झाला असला तरी वानखेडे स्टेडियम मात्र तीन वाजताच भरले होते. विजय परेडनंतर वानखेडे स्टेडियमवर मोटा जल्लोष करण्यात आला. यावेळी रोहित शर्माने आपले विचार मांडले. तसेच विराट कोहलीने सांगितले की विश्वचषक जिंकणे हे संघाचे संयुक्त ध्येय होते. त्याचवेळी आयपीएलमध्ये जाहीर टीकेचा सामना करणाऱ्या हार्दिक पंड्यावरही प्रेक्षकांनी प्रेमाचा वर्षाव केला.