नगरसेविका चव्हाण यांती तत्परता, गोमातेचे वाचले प्राण

सोलापूर, : भाजपाच्या माजी नगरसेविका सौ.राजश्री अनिल चव्हाण यांच्या सतर्कतेमुळे गोमातेचे प्राण वाचले. प्र.26 मधील या घटनेप्रसंगी त्यांच्या तत्परतेबद्दल अनेकांनी धन्यवाद दिले असून रेस्क्यू टीम व स्थानिक तरुण कार्यकर्ते यांनी धडपड केल्यामुळे हे शक्य झाले.
      प्रभाग क्रमांक 26 मधील भाग्यलक्ष्मी पार्क येथे एक गोमातेचे वासरू चरत चरत सेफ्टी टँकमध्ये पडले. होते. याबाबत तेथील महिला वर्ग व ज्येष्ठ नागरिक श्री शेळवणे काका यांनी नगरसेविका सौ राजश्री चव्हाण यांना वासरू सेफ्टी टँकमध्ये पडलेचे कळविले.  त्याची दखल घेत तात्काळ सोलापूर महानगरपालिका आयुक्त डॉ. सचिन ओंबासे यांना संपर्क साधून घडलेला  प्रकार सांगितला. यानंतर तात्काळ आपत्कालीन, कक्ष येथील जेसीबी व रेस्क्यू टीम पाठवून दिली. सदर  ठिकाणी रेस्क्यू टीम व स्थानिक तरुण कार्यकर्ते यांनी प्रयत्न करून सेफ्टी टँक़मध्ये पडलेले सदर गाईचे वासरू जिवंत बाहेर काढले.   यासंदर्भात नागरिकांनी आपले मनोगत व्यक्त करताना म्हणाले, नगरसेविका सौ राजश्री अनिल चव्हाण यांनी सतर्कता बाळगली, यामुळे प्रशासनाने तातडीने कार्यवाही केली. याबद्दल त्यांचे आभार मानावे तेवढे कमीच आहे आज गौरी आवाहन पूजेच्या दिवशी रात्रीच्या वेळेस समक्ष उभारून सदर गाईचे वासरूला जीवनदान दिले असून त्यांचे उपकार मानावे तेवढे कमीच आहे.प्रारंभी आम्ही सदर घटनेबाबत संबंधित अधिकारी व कर्मचारी यांना कळवले होते. पण काहीच उपयोग झाला नाही. परंतु नगरसेविका सौ राजश्री चव्हाण यांना कळवल्यानंतर जलद गतीने हालचाली झाल्या. आणि एका मुक्या प्राण्याचे प्राण वाचले.  जनतेच्या हाकेला धावून येणार्‍या नगरसेविका सौ राजश्री चव्हाण ह्या  लाभल्या हे याबद्दल धन्यवाद दिले व आभार मानले. यावेळी या नगरातील निवृत्त अधिकारी शेळवणे, सौ.सुनिता शेळवणे, मनीषा साबळे, सुनंदा कोळी, रश्मी भडकुंबे, कोमल साबळे, नागेश कोळी, नागनाथ शेळवणे, भाजपचे ज्येष्ठ सामाजिक कार्यकर्ते अनिल चव्हाण आदी उपस्थित होते.