पश्‍चिम महाराष्ट्र पद्मशाली संघाच्या अध्यक्षपदी डॉ.सूर्यप्रकाश कोठे यांची निवड

(विजयकुमार पिसे)
सोलापूर : हैदराबाद येथील पद्मशाली ज्ञाती भवनात शनिवारी 3 जानेवारी  रोजी अखिल भारतीय पद्मशाली संघाचे सर्व पदाधिकारी यांच्या उपस्थितीत पश्‍चिम महाराष्ट्र पद्मशाली संघाचे अध्यक्षपद निवडीचे पत्र डॉ. सूर्यप्रकाश राजेश कोठे  यांना प्रदान करण्यात आले. डॉ.कोठे यांच्या नियुक्तीचे सर्वत्र स्वागत आणि अभिनंदन केले जात आहे.
 डॉ.सूर्यप्रक़ाश कोठे यांना नियुक्ती पत्र देतेसमयी अखिल भारतीय सर्व प्रमुख पदाधिकारी तसेच ऑल इंडिया गौरव अध्यक्ष श्रीधरजी सुंकुरवार, अध्यक्ष कंदिकटला स्वामी, जनरल सेक्रेटरी जगन्नाथ गड्डम, उपाध्यक्ष रामकृष्ण कोंड्याल, सेक्रेटरी प्रदीप संगा, राजकीय विभागाचे अध्यक्ष बी. शिवशंकर, सेक्रेटरी तुकेश भैरी, महाराष्ट्राचे निरीक्षक संगा, मुंबई पद्मशाली संघाचे अध्यक्ष गंजी यांच्यासह सर्व पदाधिकारी यांच्या उपस्थित होते. यावेळी पश्‍चिम महाराष्ट्र पद्मशाली संघाचे जनरल सेक्रेटरी दयानंद मामड्याल, पद्मशाली ज्ञाती संस्थेचे सेक्रेटरी संतोष सोमा, युवक संघटनेचे अध्यक्ष शेखर कटकम, राकेश पुंजाल, सूर्यकांत जिंदम यांच्यासह डॉ.सूर्यप्रकाश कोठे यांचे समर्थक उपस्थित होते. ऑल इंडिया पद्मशाली संघाचे पदाधिकार्‍यांनी डॉ सूर्यप्रकाश कोठे यांना पुढील कार्यास शुभेच्छा दिल्या.  सत्काराला उत्तर देताना नूतन अध्यक्ष डॉ सूर्यप्रकाश कोठे यांनी कोठे परिवाराला समाजसेवेचा वारसा तात्यासाहेब कोठे यांच्यापासून मिळाले असून ह्या पदाचा उपयोग समाजातील सर्वांना सोबत घेऊन समाजाचे एकी व प्रगतीसाठी करणार असल्याचे सांगितले.